عايز تشتغل؟ انسى شهادتك، وشوف الفيديو دا

الناس العمليين لماحين، بيقدروا يشوفوا اتجاهات سوق العمل قبل غيرهم، وبسرعة يلحقوا مهاراتها. الفيديو دا هيقول لك على اتجاه مهم جدا، خصوصا لو طالب جامعة، أو ناوي تدرس في الجامعة

الموضوع دا بيتناول اتجاه مهم جدا في سوق العمل. والبحث عن وظائف. ودي خطوة مهمة علشان تبتدي تستعد وماتتفاجئش.

في الفيديو هتشوف:
ليه أهمية الشهادة الجامعية بتقل في العالم كله؟

  أصحاب الأعمال بقوا عايزين إيه؟ وإيه هي المهارات المباشرة وغير المباشرة

ممكن تقرا أكتر عن المهارات المباشرة وغير المباشرة من البوست دا

فكرة مبادرة في أمريكا من رجل أعمال ناجح؟

ازاي نلحق نتعامل مع المشكلة؟

لو عايز تكون لك فرصة: 

فيه تلات خطوات

١- خليك دايما واعي بمتطلبات سوق العمل، وحاول تشوف العمل من وجهة نظر المدير اللي في شركة عايزة تكسب. لو كنت مدير هتبقى عايز موظفين عندهم مهارات إيه؟

٢- بموجب معرفتك دي احرص على تطوير نفسك مهنيا علشان تكون مميز في أكتر مجال قريب منك.

٣- انسى انت واخد شهادة إيه، واهتم بالتعرف على الجوانب الشخصية وتطويرها.

البوست العربي بيحاول يساعد في الجانب دا على قد ما يقدر

البوست العربي مبادرة شخصية بالجهود الذاتية، غرضها المساعدة في طرح مختلف جوانب الثقافة العملية. سواء المعرفة التاريخية والحالية، أو المهارات، أو الجوانب الشخصية، أو التجارب الحياتية. هتكسب، ومش ممكن تخسر أي حاجة، لو فضلت على اتصال معانا

١- خد جولة في البوست العربي

٢- سجل في القائمة البريدية. احنا مش بنعمل مواضيع كتير، يعني مش هتلاقي مننا زحمة إيميلات. كمان مش بنبيع حاجة، فمش هنزهقك بأي دعاية، إنما هتضمن إن مواضيعنا الجديدة توصلك. ممكن موضوع واحد يفتح لك أبواب مكنتش عارف بوجودها. كلنا كده في حياتنا.

٣- شاركنا بأسئلتك، وتجاربك. دا هيفيدنا جدا إننا نعرف انت مهتم بإيه أكتر من غيره، فنهتم إحنا كمان بيه، أو نقول لك بس خد بالك، فيه كذا وكذا كمان متنساهمش. يا أهلا وسهلا بجميع التعلقيات.

إحنا كمان بنكتب تكست علشان لو النت مش مخلياك تشوف الفيديو.. لكن تقدر تشوف الفيديو من هنا