مقالات هتعجبك

انت نفسك منتج محتاج تسويق

انت فاكر إنك مش محتاج تسويق علشان معندكش سلعة؟ راجع نفسك. انت محتاج تسويق، وبتعمله، بس الفرق تعمله صح، ولا بطريقة عشوائية.. ٣ دقايق مع فيديو البوست العربي، بمساهمة من خبير التسويق حاتم رأفت، هتفرق معاك كتير

كلمة تسويق ارتبطت بتسويق السلع. لكن الحقيقة إن التسويق هو عامل أساسي في النجاح المهني والشخصي للأفراد زي ما هو عامل أساسي في النجاح المهني للمؤسسات، وفي الترقي الوظيفي للأفراد جواها. وعامل أساسي في النجاح المهني للمشروعات الصغيرة الفردية، سواء كنت صنايعي أو صاحب مشروع محدود.

فشل كثير من المشروعات – أو نجاحها – يعتمد على التسويق. وكل فرد أو مؤسسة بتعمل تسويق. لكن اللي بيفرق هل بتعمل تسويق جيد ولا تسويق سيئ.

في ٣ دقايق هتعرف حاجات عن التسويق هتغير طريقة نظرك ليه.

في الموضوع دا هتعرف:

١- إنك بتعمل تسويق طول الوقت، حتى في حياتك الشخصية، فأحسن تعمله كويس

٢- إيه الفرق بين التسويق وبين الإعلان وبين البيع.

٣- إيه الغرض من التسويق، وقد إيه بيفرق معاك في حياتك، من مثل بسيط في حياتنا اليومية

٤- إيه معنى كلمة منتج

إيه الفايدة؟

١- إنك ماتضيعش المجهود الكبير اللي عملته لأنك مش فاهم أهمية ولا طريقة جزء آخر من المجهود مطلوب منك.

٢- التسويق، والتفاعل اللي بيحصل من خلاله، بيخليك تحسن منتجك

٣- في سوق المنافسة الشخصية والعملية، لو عندك قيمة جيدة، ماتظلمهاش

خطوات بسيطة:

١- شوف الفيديو (٣ دقايق وشوية)

٢- فكر في اللي عندك وشوف إزاي تطبق الكلام دا عليه

٤- استخدم المفهوم بصورة أوسع من اللي اتعودت عليه، وفكر في طرق أكتر إبداعا

ماتقفش عند كده:

ناقشنا في اللي سمعته. ضيف ليه من خبرتك. الفت نظرنا لحاجات يمكن مش فاهمينها كويس. لكن يا سلام لو تبعت لنا كمان تجربتك في مجالك، دا نوع من التسويق الجيد، نوع ينشر المعرفة ويحسسنا بأهمية المهارات في المجالات المختلفة، علشان نستفيد منها إحنا كمان، ونقدرها.

About khaledalberry (93 Articles)

إعلامي عمل في بي بي سي ١٢ سنة، راديو وتليفزيون وديجيتال ميديا bbcarabic.com
. راسل صحفيا من ١٣ دولة. كان مديرا مناوبا لمكتب بي بي سي عربي في العراق بعد حرب العراق.
. راسل بي بي سي من حيفا وجنوب لبنان في حرب تموز /يوليو ٢٠٠٦
.شارك في تأسيس دوت مصر ورأس تحريرها
. أصدر أربعة كتب هي الدنيا أجمل من الجنة، ونيجاتيف ورقصة شرقية (القائمة القصيرة للبوكر العربية) والعهد الجديد. له كتابان قيد النشر هما “الأمية المقدسة” و “انفصام شخصية مصر”.
. حاصل على بكالوريوس الطب والجراحة من كلية الطب جامعة القاهرة

أهلا وسهلا برأيك

%d bloggers like this: