صورة ممكن تغير حياتك
بحث في أمريكا توصل إلى إن نسبة نجاحك في تنفيذ أهدافك بتزيد بـ ٤٢٪ لو عملت خطوة بسيطة جدا. لو قعدت وكتبت الأهداف دي وما يتعلق بيها.
الموضوع مش واضح. أبدأ منين وانتهي فين؟ عندك حق. في الفيديوا دا بنقدم نموذج إزاي ممكن تعمل التقييم دا بسرعة، وازاي تنظم تفكيرك فيه. وعلشان ننسب الفكرة لأصحابها. النموذج دا متخيل بعد سماع حوار في الراديو لواحد اسمه مايكل هايات. دا لينك لصفحته: michaelhayatt.com
شوف الفيديو دا
إزاي:
عندك ٣ دواير رئيسية في حياتك تقدر تبص فيهم:
الدايرة الأولى: انت
بوجه عام إيه اللي بيزعلك، وإيه اللي بيبسطك. قد إيه موجود من كل نوع فيهم
إيه اللي تقدر تعمله علشان تعدل النسب
الدايرة التانية: الناس اللي حواليك. علاقاتك
إيه ترتيب أولوياتها
إيه اللي بيفيدك منها
وإيه اللي بيضرك
وإيه اللي ناقصك
إيه العلاقة اللي عايز تعمل مجهود فيها علشان تكترها
وإيه العلاقة اللي عايز تتخلص منها
الدايرة التالتة: أفعالك وإنتاجيتك
دي تشمل مواهبك والحاجات اللي بتعرف تعملها حتى لو ماكانتش مجال عملك
وتشمل عملك ووضعك فيه، إيه المهارات اللي ناقصاك، علاقتك مع رؤسائك وزمايلك. ومحصلة دا
وتشمل المحصلة “المادية” الناتجة عن دا كله
بعد كده عندك تلات دواير تختار إنك تروح عليهم:
١- البقاء في منطقة الأمان والراحة
٢- الانتقال إلى منطقة القلق (مهمة جدا، تفصيل أكتر في الفيديو)
٣- منقطة الأوهام
ممكن تعمل إيه:
فيه تلات خطوات بسيطة تقدر تعملها دلوقتي
١- تشوف الفيديو
٢- تقعد مع نفسك عشر دقايق تفكر فيه (استخدم الصورة المنشورة مع الموضوع علشان تفتكر)
٣- تختار أول حاجة ممكن تعملها
شارك معانا:
أكيد فيه طرق تاني حد فينا جربها ونفعت معاه. يا ريت يفيدنا بيها
يمكن فيه تساؤلات عن الموضوع. نقاط مش واضحة، أو حاجات بتختلف معها، نرحب بالمناقشة، دا هيفيدنا جدا.
التعليقات جزء أساسي لتبادل المعرفة. استخدمها.
ساهم معانا في نشر المعرفة لو الموضوع عجبك. لايك، وشير. يمكن حد تاني يستفيد منها
كمل الصورة
ممكن تقرا الموضوع دا
وصفة الأوقات الحلوة
أهلا وسهلا برأيك